Joseph Kasheku Musukuma
Akithibitisha kukamatwa kwa mbunge huyo Kamanda wa Polisi mkoa wa Geita Mponjoli Mwabulambo alipokuwa akionga na mwandishi wa habari wa East Africa Television, amesema Musukuma amekamatwa leo baada ya kupata taarifa kuwa anahusika na tukio hilo.
"Ni kweli Mbunge Musukuma tumemkamata leo kufuatia tukio la juzi" amesema Kamanda Mwabulambo.
Pia Kamanda Mwabulambo amesema mpaka sasa wanawashikilia watu 8 ambao 6 miongoni mwao ni madiwani wa kata mbali mbali mkoani humo, na watafikishwa kwenye vyombo vya sheria kama ambavyo inatakiwa.
Siku ya Alhamisi ya Septemba 14, 2017, wananchi mkoani Geita walifunga barabara inayoingia katika mgodi wa GGM kushinikiza malipo ya kodi ya dola milioni 12.
