Wabunge waungana kuaga mwili wa Dkt. Macha

Friday , 21st Apr , 2017

Waziri Mkuu Kassim Majaliwa leo ameungana na wabunge katika kuuaga mwili wa aliyekuwa Mbunge wa Viti Maalum (CHADEMA) Dkt. Elly Macha aliyefariki Machi, 31, 2017 katika hospitali ya New Cross Wolverhampton nchini Uingereza.

Spika wa Bunge Mhe Job Ndugai akitoa heshima za mwisho kwa mwili wa marehemu Dkt Elly Macha wakati wa kuaga Bungeni Mjini Dodoma leo

Akizungumza katika tukio hilo Waziri Mkuu ametoa pole kwa Spika wa Bunge, Mheshimiwa Job Ndugai, familia marehemu pamoja na wabunge wote.

Waziri Mkuu amesema enzi ya uhai wake marehemu Dkt. Elly alitoa mchango mkubwa na ushauri mzuri katika masuala ya elimu na uboreshaji wa maeneo ya watu wenye ulemavu.

Awali akisoma wasifu wa marehemu, Mbunge wa Iringa Mjini, Mheshimiwa Mchungaji Peter Msigwa alisema Dkt. Elly alipata ulemavu wa macho akiwa na umri wa miezi mitano baada ya kuugua ugonjwa wa surua.

Dkt. Elly Macha enzi za uhai wake

Mchungaji Msigwa alisema pamoja na kuwa na ulemavu huo wa macho lakini haukuwahi kuwa kikwazo kwake kwani aliweza kufanya jambo lolote lililokuwa ndani ya uwezo wake.

Mwili wa marehemu Dkt. Elly umesafirishwa leo kwenda nyumbani kwake Usa River mkoani Arusha na anatarajiwa kuzikwa kesho nyumbani kwa wazazi wake katika kijiji cha Kirua Vunjo mkoani Kilimanjaro.

Dkt. Elly alizaliwa Juni 18, 1962 kwenye kijiji cha Kirua Vunjo mkoani Kilimanjaro, ambapo mbali na wadhifa wa ubunge pia  aliwahi kuwa Mshauri Mwelekezi wa Shirikisho la Vyama vya Watu wenye Ulemavu vya Afrika Mashariki.

Naibu Spika Dkt Tulia akitoa heshima za mwisho kwa mwili wa marehemu Dkt Elly Macha wakati wakuaga Bungeni Mjini Dodoma leo

 

 

Recent Posts

DCP Ahmed Msangi, Kamanda wa Polisi Mkoa wa Mwanza

Current Affairs
Baba amkata mwanaye makalio

John Cheyo (Kushoto) akiwa na Goodluck Ole Medeye

Current Affairs
Ole Medeye 'ajitumbua mwenyewe' UDP

IGP (Mpya) Simon Sirro, Kulia ni aliyekuwa IGP Ernest Mangu.

Current Affairs
Mangu amkabidhi Sirro Pwani