Kipigo cha bao 4 ni somo kwetu- Mwabusi

Sunday , 8th Jan , 2017

Kocha msaidizi wa Klabu ya Yanga Juma Mwambusi amesema, kipigo walichokipata kutoka kwa Azam FC hapo jana ni somo kwao kuwa wanatakiwa kucheza kila mechi kwa uangalifu mkubwa.

Kocha msaidizi wa Yanga Juma Mwambusi

Akizungumza na East Africa Radio mara baada ya mchezo huo, Mwambusi amesema, wameweza kujifunza kitu kwani wachezaji walicheza wakijua mchezo hauna hasara kwao hivyo hawakuona faida ya kutoa nguvu zaidi katika mchezo.

“Matokeo ni yampira ingawa wachezaji wetu walicheza kichwani wakijua tumeshavuka kwa hiyo waliona hakuna haja ya kutoa nguvu zaidi, tumeshapoteza mchezo na tumekubali matokeo,” alisema Mwambusi.

Mwambusi amesema, wachezaji walitulia mno na hakukuwa na juhudi zozote zilizofanyika Uwanjani kwani mchezaji mmoja mmoja alicheza kwa kuacha njia wazi hivyo wapinzani wao walicheza kwa nguvu zote na wakaweza kushinda goli nne.

Mwambusi amesema, mpira hautabiriki, na wapo katika mashindano na hawaangalii ubora wa timu bali wanaangalia michezo inayofuata.

Recent Posts

Nay wa Mitego

Entertainment
Nay awataja watano anaowakubali Bongo

Mashabiki wa Simba na Yanga katika dimba la Taifa

Sport
Simba na Yanga vitani tena Kombe la Shirikisho

Dkt. Possi akiapa mbele ya Rais, baada ya kuteuliwa kuwa Naibu Waziri mwanzoni mwa mwaka 2016

Current Affairs
Rais Magufuli amvua ubunge Dkt. Possi

Mbowe (Kushoto), Kafulila (Kulia)

Current Affairs
Kafulila alipata ajali ya kisasa - Mbowe