Nitaendelea kufundisha soka - Arsene Wenger

Friday , 17th Feb , 2017

Kocha wa Arsenal, Arsene Wenger amesema kuwa ataendelea kufundisha soka kwa msimu ujao, kwenye klabu hiyo hiyo, au mahala pengine.

Arsene Wenger - Kocha wa Arsenal

 

Wenger, mwenye umri wa miaka 67, amekuwa na wiki ya aibu baada ya timu yake kuchapwa mabao 5-1 na Bayern Munich, siku ya Jumatano, kwenye mchezo wa hatua ya 16 bora ligi ya mabingwa Barani Ulaya.

Baada ya kipigo hicho, baadhi ya wachezaji wa zamani wa klabu hiyo, wamesema mwisho wa Mfaransa huyo, kufundisha The Gunners, umewadia.

Lakini Wenger amesema kukosolewa amezoea na anafanya kile anachokiamini, ila kila kitu kitajulikana Machi au Aprili mwaka huu, kama ataondoka au kubaki kwenye klabu hiyo ya London.

"Haijarishi kinachotokea nitaendelea kufundisha msimu ujao. ama hapa Arsenal au sehemu nyingine, nina uhakika na hilo". Alisema Wenger.

Recent Posts

Nahodha wa Azam, John Bocco

Sport
Bocco asimulia alivyotendwa mitandaoni
Entertainment
Nay amjibu Mwakyembe

Wachezaji wa Serengeti Boys wakiwa nchini Gabon

Sport
Malinzi atangaza dira mpya Serengeti Boys

Baadhi ya wachezaji wa Simba katika moja ya mchezo wao wa ligi

Sport
Simba yatoa mchezaji bora wa mwezi Mei