Baadhi ya wachezaji walioshinda tuzo za msimu uliopita. Kutoka kushoto ni Ibrahim Ajibu (Goli Bora), Aishi Manula (KIpa Bora), Juma Abdul (Mchezaji Bora), Thaaban Kamusoko (Mchezaji Bora wa nje) na Mohamed Hussein (Mchezaji Bora Chipukizi)
Tuzo zilizoongezwa ni: Tuzo ya Heshima (ambayo itatolewa kwa mwanasoka nguli wa zamani mwenye historia nzuri kwa soka la Tanzania).
Nyingine ni: Tuzo ya Kikosi Bora cha Msimu (Itatolewa kwa wachezaji Bora 11 wa Ligi Kuu (VPL XI 2016/2017) walioteuliwa kutokana na ufanisi wao katika ligi hiyo msimu huu.
Pia imeongezwa Tuzo ya Mchezaji Bora mwenye chini ya umri wa miaka 20 (Hii itatolewa kwa wachezaji waliofanya vizuri katika ligi ya vijana ya timu za Ligi Kuu ya Vodacom.
Tuzo hiyo ya Mchezaji Bora wa Ligi ya Vijana itajulikana kama Tuzo ya Ismail Khalfan ikiwa ni heshima ya kumbukumbu ya mchezaji Ismail Khalfan wa Mbao FC aliyefia uwanjani katika mashindano hayo yaliyofanyika mkoani Kagera.
Kutokana na mabadiliko hayo tuzo zitakazotolewa katika sherehe hizo pamoja na Tuzo ya Mchezaji Bora wa Ligi Kuu ya VPL ambayo ndiyo tuzo kuu, pia ni Bingwa wa Ligi Kuu, Mshindi wa Pili, Mshindi wa Tatu, Mshindi wa Nne na Mfungaji Bora.
Wachezaji wa Yanga baada ya kukabidhiwa kombe lao la ubingwa wa VPL, 2016/17
Nyingine ni Mchezaji Bora wa Ligi Kuu, Golikipa Bora, Kocha Bora, Mwamuzi Bora, Mchezaji Bora wa Heshima, Mchezaji Bora anayechipukia, Goli Bora la Msimu, Mchezaji Bora wa Kigeni, Mchezaji Bora wa Chini ya Umri wa Miaka 20 na Timu Yenye Nidhamu.
Tuzo za Bingwa, mshindi wa pili, wa tatu na wa nne na Mfungaji Bora hizi zipo kulingana na msimamo wa ligi ulivyo.
Hata hivyo Mfungaji Bora safari hii kuna wachezaji wawili wamefungana, hivyo kamati itapitia vigezo vilivyopo katika Kanuni za kumpata Mfungaji Bora wa Ligi Kuu Tanzania Bara ili kupata mshindi ambaye atatangazwa siku hiyo ukumbini.
Wafuatao wameteuliwa kuwania tuzo hizo kutokana na vigezo mbalimbali:
Mchezaji Bora wa Ligi Kuu
Aishi MANULA - Azam
Simon MSUVA - Yanga
Shiza KICHUYA - Simba
Haruna NIYONZIMA - Yanga
Mohammed HUSSEIN – Simba
KIPA BORA
Aishi MANULA - Azam
Owen CHAIMA - Mbeya City
Juma KASEJA - Kagera Sugar
KOCHA BORA
Joseph OMOG - Simba
Mecky MEXIME - Kagera Sugar
Ettiene NDAYIRAGIJE - Mbao
MWAMUZI BORA
Shomari LAWI – Kigoma
Elly SASII – Dar es Salaam
Hance MABENA - Tanga
MCHEZAJI BORA WA KIGENI
Haruna NIYONZIMA - Yanga
Method MWANJALE - Simba
Yusuph NDIKUMANA - Mbao
MCHEZAJI BORA ANAYECHIPUKIA
Mbaraka ABEID - Kagera Sugar
Shaaban IDD - Azam
Mohammed ISSA - Mtibwa
TUZO YA ISMAIL KHALFAN – (U-20)
Shaaban IDD - Azam
Abdalah MASOUD - Azam
Mosses KITAMBI - Simba
TUZO YA HESHIMA
(Atatangazwa aliyeteuliwa siku hiyohiyo ya sherehe za tuzo).
GOLI BORA LA MSIMU
(Tayari yamepatikana mabao bora 10 ambayo yataoneshwa siku hiyo ukumbini ikiwemo lile bora la msimu mzima).
TIMU YENYE NIDHAMU
(Mshindi atatangazwa ukumbini siku hiyo kulingana na vigezo vilivyopo).
WACHEZAJI 11 BORA WA MSIMU – VPL XI 2016/17
(Watatangazwa ukumbini siku hiyo ya sherehe).
