Stars watatakiwa kuhakikisha wanafanya kila linalowezekana kushinda mchezo huo ili kujiweka katika mazingira mazuri ya kutinga katika hatua ya robo fainali.
Stars wanakutana na Madagascar ambayo mchezo wake wa kwanza ilifanikiwa kuibuka na ushindi wa bao 2-1 dhidi ya Lesotho ambao wapo kundi moja kila timu ikihitaji ushindi kwa namna yoyote ile.
Stars wakimaliza mchezo huo watakuwa na kibarua kingine Ijumaa dhidi ya Lesotho michezo yote hiyo ikichezwa katika uwanja wa Moruleng ambapo ndipo itajulikana kama timu hiyo itasonga mbele au itayaaga mashindano hayo.
