Prof. Lipumba
Hiyo ni baada ya kuona amekiuka malengo na mikakati ambayo walikuwa wameiweka kwa pamoja na kuanza kuwagawa wana umoja huo.
“Sisi UKAWA tunamwita Prof Lipumba bwana yule, maana hatujui yupo nyuma ya nani na ana lengo gani kwa sababu kwa taaluma yake na haiba yake na anavyofanya sasa hivi haieleweki kabisa” Amesema Dkt. Mashinji
Pamoja na hayo Dkt. Mashinji aliyekuwa KIKAANGONI ya EATV, amesema UKAWA ipo palepale na itaendelea kushirikiana katika kuhakikisha kwamba demokrasia ya kweli inapatikana nchini.
Dkt. Vincent Mashinji
Kuhusu madai kuwa CHADEMA inaingilia masuala ya CUF, Mashinji amesema siyo kweli kuwa CHADEMA inaingilia masuala ya ndani ya chama hicho, ndiyo maana haikushiriki kikao chochote cha CUF, lakini inachofanya ni kushauri kuhusu maamuzi ambayo yamekwishaamuliwa na vikao halali vya CUF kama mwanafamilia wa UKAWA.
Aidha Dkt. Mashinji ameongeza kuwa Katiba ya wananchi ambayo ilikwama inatakiwa kufanyiwa kazi upya na hatimaye kuifanya ikubalike kwa kuwa ndiyo suluhisho la mambo mengi yanayoendelea nchini na bila hiyo bado mambo yatazidi kuenda kama tulikotoka.