Rais Kikwete akiweka mchanga katika Kaburi
Rais Kikwete pia ameshuhudia kiapo cha chifu mpya wa kabila hilo chifu Adam wa pili aliyetawazwa katika kiti hicho cha uchifu baada ya kifo cha baba yake.
Mazishi hayo ya chifu Abdul Adam Sapi Mkwawa yalitanguliwa na kiapo cha kumsimika chifu mpya wa wahehe kilichoongozwa na wazee wa mila kutoka kabila hilo na baadaye shughuli ya mazishi ikaendelea kwa kutanguliwa na ibada ya mazishi iliyoongozwa na sheikh wa wilaya ya Iringa Issa Ngwele.
Alhaji Abdul Mkwawa aliaga dunia Jumamosi iliyopita katika hospitali ya rufaa ya mkoa wa Iringa alikokuwa anapatiwa matibabu.
Chifu Adam wa pili ni mwanafunzi wa darasa la saba katika shule ya msingi Highland iliyopo manispaa ya Iringa na kwa kuwa hajafikisha umri wa miaka 20 kazi ya uchifu itashikiliwa na baba yake mdogo Hassan Mkwawa
