Chama cha Demokrasia na Maendeleo (CHADEMA) kimesemakuwa Serikali kupitia Jeshi la Magereza imezuia viongozi wa Chama kumuona Mwenyekiti Taifa, Tundu Antipas Lissu katika Gereza la Ukonga.
Katiba barua yo leo Novemba 30, 2025 Chadema imesema kuwa, katika siku za hivi karibuni, viongozi wa Chama akiwemo Mjumbe wa Kamati Kuu, Godbless Lema, na Katibu Mkuu, John Mnyika, wamezuiwa kuingia Gereza la Ukonga kumwona Mwenyekiti Lissu na kuongeza kuwa Mnyika ameenda gerezani kumtembelea Lissu na ameambiwa na askari wa Magereza kuwa kuna maelekezo ya kutoruhusu kiongozi yoyote wa Chadema kuonana Lissu.
"Hatua hii inaashiria zuio lisilo la kawaida, linalokiuka haki za msingi za mahabusu akiwa gerezani la kutembelewa na kuonwa na ndugu na jamaa zake’’.Ilisema barua hiyo.
Kupitia barua hiyo iliyoandikwa na Mkurugenzi wa Mawasiliano na Uenezi wa Chadema, Brenda Rupia, Chadema imesema inaichukulia hatua hiyo kama uvunjaji wa haki za msingi za wafungwa na mahabusu na matumizi ya vyombo vya dola kuwanyanyasa wanasiasa wa upinzani.
Aidha Chama hicho kimelitaka, Jeshi la Magereza litoe maelezo kwanini wanazuia Lissu asionane na viongozi wenzake, wadau wa ndani na nje ya nchi kufuatilia mwenendo huu hatari kwa mustakabali wa demokrasia na maisha ya Mhe. Lissu.
CHADEMA imewaeleza wanachama na wananchi kwamba itachukua hatua za kisheria, kisiasa na kidiplomasia kuhakikisha haki za Lissu na viongozi wa chama hazikiukwi.
