Pichani:Mfano wa mtu aliyefanyiwa kitendo cha ukatili
Akizungumza katika kipindi cha Supa breakfast, cha East Africa Radio, Joram Bwire amesema licha ya ukatili wa kijinsia kuonekana unazidi kushika kasi serikali imefanya juhudi mbalimbali kuhakikisha inaondoa tatizo hilo.
“Kuna mambo madogo madogo inabidi yafanyike kwamba hizi kamati inabidi ziboreshwe kwa kujengewa uwezo ili kurahisisha utendaji kazi” amesema
Aidha Bwire akizungumzia ukatili wa ukeketaji amesema kuwa katika kuhakikisha tatizo hilo linatatuliwa lazima chanzo chake kijulikane ili liweze kutatauliwa huku akisema kuwa tatizo hili limechukua sura mpya ambapo watoto ufanyiwa ukeketaji mara tu wanapozaliwa hospitalini hivyo kuwalazimu kuweka ulinzi shirikishi hospitalini kwa ajili ya kudhibiti tatizo hilo.
