Ijumaa , 16th Sep , 2022
Na Mwandishi wetu 

Mkuu wa Wilaya ya Temeke Jokate Mwegelo amesema ndani ya siku mbili zaidi ya wahalifu 100 wamekamatwa wakiwemo vijana wanaojiita ‘panya road’ ambao wamekuwa wakijihusisha na vitendo mbalimbali vya uhalifu wa kuvamia nyumba na kupora mali pamoja na kuwajeruhi watu.

Submitted by Elbogast on Ijumaa , 16th Sep , 2022

Mkuu wa Wilaya wa Temeke, Jokate Mwegelo

DC Jokate ameyasema hayo leo, huku akieleza  kuwa vijana hao wamekamatwa katika msako wa polisi ulioanza Septemba 14, 2022, huku akisisitiza kuwa msakao mkali unaendelea.

Aidha DC Jokate amebainisha kuwa serikali haitamvumilia yoyote anayejihusisha na vitendo hivyo vya uhalifu, huku akitoa tahadhari kwa baadhi ya vijana ambao hushinda vijiweni pasipo kujishughulisha na kazi yoyote.

Wiki hii katika wilaya ya Temeke yameripotiwa matukio ya panya road katika kata tatu za Chamazi, Kilungule na Mianzini.