Mhe. Mwigulu amesema hayo pindi alipokuwa anachangia hoja bungeni Dodoma zilizokuwa zimemgusa na kusema imekuwa kawaida kwa viongozi pamoja na wazazi kutohangaika kujua ni namna gani ya kuwalinda wanafunzi wanaopata mimba, na badala yake wanahangaika kuhalalisha kuruhusu wanafunzi waliopata mimba kuendelea na masomo yao kama kawaida.
“Hatuwezi tukaipa dhambi jina zuri na baadae tukaitukuza. Watoto wengi wakipata mimba hatuangaiki ku-'protect' kwanini wanapata mimba, kwanini tusizuie wasipate mimba utotoni.Tunahangaika kutaka kuhalalalisha wapate mimba, Namimi nasema kama Waziri wa mambo ya ndani ya nchi atakayempa mimba mwanafunzi tutamkamata na atafika katika mikono ya sheria, mzazi atakaye shabikia mwanafunzi kupewa mimba na yeye atakuwa ameshiriki kwenye uovu wa hilo"- alisema Mwigulu
Pamoja na hayo Mhe. Mwigulu amesema kuwa mtoto mdogo aliyopo shuleni akaruhusu masuala ya kupata mimba basi atambue amekiuka maadili ya elimu, mila, imani pamoja na maadili ya sheria za nchi.