Alhamisi , 7th Oct , 2021
Na Mwandishi wetu NDANI

Timu ya wanawake ya soka Tanzania ‘Twiga Star’ inataraji kushuka dimbani saa 7:00 mchana wa leo Oktoba 7, 2021 kucheza dhidi ya Namibia kwenye mchezo wa nusu fainali michuano ya timu za taifa za kusini mwa Afrika ‘COSAFA’.

Submitted by George David on Alhamisi , 7th Oct , 2021

(Timu ya Twiga Stars wakishehereka bao baada ya kuwafunga Sudan Kusini kwenye mchezo wa mwisho wa kundi B)

Kuelekea kwenye mchezo huo utakaochezwa kwenye uwanja wa Nelson Mandelea Bay nchini Afrika Kusini, Kocha wa timu hiyo Bakari Shime amesema mchezo utakuwa mgumu kwani wawili hao hawajapoteza mchezo hadi sasa.

Kwa upande wa rekodi, Twiga Stars wamecheza na Namibia mara nne, sare tatu zikitawala wakati Namibia akipata ushindi mara moja na kuashiria mchezo huo kuwa utakuwa wenye upinzani mkali.

Mchezo wa nusu fainali ya pili utakaochezwa leo, utawakutanisha wenyeji Afrika Kusini dhidi ya Malawi saa 10:30 jioni na fainali na mchezo wa kumtafuta mshindi watatu imepangwa ichezew Oktoba 9, 2021.