Kwa mujibu wa Washington Post Waziri wa Mambo ya Nje Marco Rubio alijaribu kuua mpango huo, akizitaka balozi za Marekani zikiwemo balozi ndogo duniani kote mwezi Juni na mwezi Septemba kutohudhuria mikutano ya Ufaransa na kukashifu juhudi hizo hadharani kama zawadi kwa Hamas.
Hata hivyo, mwanzoni mwa Baraza Kuu la Umoja wa Mataifa siku ya jana Jumatatu, Rais wa Ufaransa Emmanuel Macron na waandaji wenzake wa Saudia walikusanya mkusanyiko mkubwa wa viongozi wa dunia na wanadiplomasia wakuu kutoka Ulaya, Mashariki ya Kati, Afrika, Asia na Amerika Kusini. Orodha ya wazungumzaji ilijumuisha marais wa Brazil, Uturuki, Afrika Kusini na Indonesia; mawaziri wakuu wa Australia, Kanada, Uhispania, Ubelgiji na Ireland; wafalme wa Yordani na Monaco; katibu mkuu wa U.N; na waheshimiwa wengine wengi.
"Wakati umefika. Hatuwezi kusubiri tena " Macron alisema wakati akizungumza katika jengo la Baraza Kuu la Umoja wa Mataifa. "Ninatangaza kwamba leo Ufaransa inatambua hali ya Palestina," alisema huku akipiga makofi. Ufaransa inaungana rasmi na nchi za Uingereza, Canada na Australia katika kulitambua rasmi taifa la Palestina.
Israel, ambayo imepinga suluhisho la serikali mbili, imeshuhudia Waziri Mkuu Benjamin Netanyahu akionekana kutojali kutengwa kwa nchi yake kwenye jukwaa la kimataifa. Netanyahu pia ameonywa na Katibu Mkuu wa Umoja wa Mataifa Antonio Guterres kutonyakua sehemu zaidi za Ukingo wa Magharibi.
Utawala wa Donald Trump, pia, umekataa kuzungumzia suala hilo, huku rais huyo wa Marekani akitarajiwa kuwepo mjini New York leo wakati Baraza Kuu la Umoja wa Mataifa likiadhimisha miaka 80 tangu kuanzishwa kwa shirika hilo. Kando na Ufaransa, ambayo iliitisha mkutano huo na Saudi Arabia siku ya jana Jumatatu huko New York, Andorra, Ubelgiji, Luxemburg, Malta na Monaco walisema wanalitambua taifa la Palestina.
