Uamuzi wa kuhukumiwa na jopo la majaji watano wa Mahakama ya Juu ya Brazil, ambao pia walikubaliana juu ya hukumu hiyo, ulimfanya Bolsonaro mwenye umri wa miaka 70 kuwa rais wa kwanza wa zamani katika historia ya nchi hiyo kuhukumiwa kwa kushambulia demokrasia, na kupata kutokubaliwa na utawala wa Trump.
Majaji wanne kati ya watano walipiga kura kumtia hatiani rais huyo wa zamani kwa makosa matano: kushiriki katika genge la uhalifu lenye silaha; kujaribu kukomesha demokrasia kwa nguvu; kuandaa mapinduzi; na kuharibu mali ya serikali na mali zinazolindwa za kitamaduni.
Kuhukumiwa kwa Bolsonaro, nahodha wa zamani wa jeshi ambaye hakuwahi kuficha kuvutiwa kwake na udikteta wa kijeshi ulioua mamia ya Wabrazil kati ya 1964 na 1985, kunafuatia shutuma za kisheria kutoka kwa viongozi wengine wa siasa kali za mrengo wa kulia mwaka huu, akiwemo Marine Le Pen wa Ufaransa na Rodrigo Duterte wa Ufilipino.
Hukumu hii huenda ikamkasirisha zaidi mshirika wa karibu wa Bolsonaro Rais wa Marekani Donald Trump, ambaye aliita kesi hiyo uwindaji wa wachawi na katika kulipiza kisasi akaipiga Brazili kwa nyongeza ya ushuru, vikwazo dhidi ya jaji anayeongoza, na kufutwa kwa visa kwa majaji wengi wa mahakama kuu.
Alipoulizwa juu ya hukumu hiyo sjana Alhamisi, Trump alimsifu tena Bolsonaro, akiuita uamuzi huo "jambo baya.""Nadhani ni mbaya sana kwa Brazil," aliongeza.
Alipokuwa akitazama hukumu ya babake kutoka Marekani, mbunge wa Brazil Eduardo Bolsonaro aliliambia shirika la habari la Reuters kwamba anatazamia Trump kufikiria kuiwekea Brazil vikwazo zaidi na majaji wake wa mahakama kuu.
