Waziri wa Nishati na madini, George Simbachawene
Kauli hiyo imetolewa leo na Waziri wa Nishati na madini, George Simbachawene wakati akizungumza na waandishi wa habari mjini Dodoma.
Aidha Simbachawene amesema kuwa hali hiyo ya kukatika kwa umeme imesababishwa na mabwawa ya kuzalisha umeme nchini kukauka hali inayoilazimu serikali kulifunga bwawa la Mtera lililopo mkoani Dodoma kutokana na kukosekana kwa maji ya kuendeshea mitambo.
Hata hivyo amesema kuwa kwa sasa serikali imejikita kuzalisha umeme kwa kutumia gesi ambayo imeshafika Dar es salaam kutokea Mtwara japo gharama yake ni kubwa kuliko ile ya kuzalisha umeme kwa kutumia maji.
