Hii inawakilisha ongezeko la 25% ikilinganishwa na mwaka uliopita, kulingana na ripoti ya Umoja wa Mataifa iliyochapishwa jana Alhamisi, ambayo kwa mara ya kwanza inaitaja Hamas kuwa wahusika wa uhalifu huu.
Jamhuri ya Afrika ya Kati (CAR), Jamhuri ya Kidemokrasia ya Kongo, Haiti, Somalia na Sudan Kusini zinaongoza kwenye orodha ya nchi 21 ambazo Umoja wa Mataifa una habari zilizochunguzwa na kuthibitishwa.
Watu walioathiriwa ni kati ya umri wa mwaka mmoja hadi miaka 75 na wanatoka katika makundi yote ya kijamii, ikiwa ni pamoja na makabila ya watu wachche au kijinsia na watu wenye ulemavu. Zaidi ya tisa kati ya kumi walionusurika ni wanawake.
Silaha ya vita, chombo cha mateso, chombo cha ukandamizaji wa kisiasa au utawala wa eneo, unyanyasaji wa kijinsia ulioelezewa katika ripoti mara nyingi huambatana na unyanyasaji mkubwa wa kimwili, ikiwa ni pamoja namauaji baada ya ubakaji.
Mara nyingi, watoto waliozaliwa kutokana na uhalifu huu huishi na mama zao kwa kunyanyapaliwa na kutengwa na jamii.
Mwelekeo wa kuvutia uliobainishwa katika ripoti unahusu unyanyasaji wa kijinsia unaofanywa katika maeneo ya kizuizini—rasmi au kisiri. Vitendo hivi vinavyotumiwa kufedhehesha, vinaongezeka na vinalenga wanaume na wavulana.
Kuongezeka kwa silaha ndogo ndogo, uhamishaji wa watu wengi, na ukosefu wa usalama wa chakula huongeza hatari.
Makundi yenye silaha hukimbilia ubakaji ili kuunganisha udhibiti wao juu ya maeneo, uchimbaji wa rasilimali, au kulazimisha itikadi.
Usafirishaji haramu wa binadamu kwa madhumuni ya utumwa wa ngono, ikiwa ni pamoja na makundi ya kigaidi vinavyolengwa na vikwazo vya Umoja wa Mataifa, pia ni ukweli.
