Zaidi ya mabalo 50 ya mitumba mali ya Ally Rajabu (40), mkazi wa mtaa wa Msangalale, jijini Dodoma, yameteketea kwa moto, ambapo Kamanda Oparesheni wa Jeshi la Zimamoto na Uokoaji mkoani humo, Deogratias Inanu, amesema moto huo umesababishwa na mtoto wa miaka mitatu aliyewasha kiberiti.
Baadhi ya mabaki ya nguo zilizoungua
Kamanda Inanu, amesema kwamba mara baada ya mtoto kuwasha kiberiti, moto huo ulishika pazia na ndipo ulipoenea nyumba nzima, na kukemea uwepo wa maghala bubu ya kuhifadhia nguo za wafanyabiashara wengi na akisisitiza umakini wa wazazi kwa watoto.
