Jumatano , 29th Dec , 2021
Na Mwandishi wetu NDANI

Mabingwa wa Ulaya, Chelsea, The Blues, ipo mbioni kusaka beki wa Kushoto kwenye majira haya dirisha dogo la usajili, mwezi Januari 2022 hii ni kutonana na madaktari wa timu hiyo kuthibitisha kuwa Beki wa kushoto Ben Chilwell atakuwa nje msimu mzima baada ya kuumia goti.

Submitted by George David on Jumatano , 29th Dec , 2021

Matabibu wa Chelsea wamethibitisha taarifa hiyo baada ya kuumia kwenye mechi ya Ligi ya Mabingwa barani Ulaya, katika mchezo dhidi ya Juventus kwenye ushindi wa 4-0.

Mabingwa hao wa ulaya wanalazimika kuingia sokoni kutafuta beki ambaye atasaidiana na Marcos Alonso, ambapo mpaka sasa Chelsea wanaisaka sahihi ya beki wa Everton, Mfaransa Lucas Digne aliyekuwa tofautiana na kocha Rafael Benitez.

Iwapo Usajili wa Digne utashindikana, Chelsea watalazimika kuwarudisha mabeki wao wa kushoto waliopo kwa mkopo, Emerson Palmiera anayetumikia Klabu ya Lyon kutoka nchini Ufaransa na kinda Ian Matseen,20, raia wa Uholanzi anayecheza ligi daraja la kwanza akiwa na Coventry City.