Ijumaa , 1st Feb , 2019
Na Elbogast Myaluko 

Baada ya Amisi Tambwe kufunga bao moja kati ya mawili ya Yanga kwenye mchezo wa kombe la shirikisho dhidi ya Biashara United, leo amekosa mazoezi kutokana na kupata jeraha usoni.

Submitted by Elbogast on Ijumaa , 1st Feb , 2019

Kikosi cha Yanga kilichoanza jana. Tambwe ni wa kwanza kulia (walioinama).

Kocha wa Yanga Mwinyi Zahera  amelazimika kumpumzisha mshabuliaji huyo mazoezi ya leo asubuhi ili kumlinda kiafya aweze kupona vizuri.

Taarifa ya Yanga imeeleza kuwa ''Tambwe anapumzika ili apate muda wa kurejea vyema kiafya kufuatia kupasuka karibu na jicho la kulia na kushonwa nyuzi 5 baada ya kugongana na kipa wa Biashara  Nurdin Barora''.

Amissi Tambwe

Katika mchezo huo Yanga iliibuka na ushindi wa penalti 4-5 baada ya kutoka sare ya mabao 2-2 katika dakika 90 za kawaida. Mchezo huo ulichezwa jana kwenye uwanja wa Taifa Dar es salaam.