Mchezo wa Tanzania na Angola
Katika mchezo wa fainali ambao Serengeti Boys imepambana na Angola, umemalizika kwa vijana hao kuibuka na ushindi wa mikwaju ya penalti 6-5 baada ya dakika 90 kumalizika kwa sare ya bao 1-1.
Bao la kwanza ni la vijana wa Angola, ambalo limepatikana katika dakika ya 38 kupitia kwa Morais huku bao la kusawazisha la Serengeti Boys likipachikwa katika dakika ya 74 kupitia kwa Pius.
Ikumbukwe Serengeti Boys imeshiriki michuano hiyo kama mwalikwa ambapo imeweza kutumia nafasi iliyopata na kushinda ubingwa huo kwa mara ya kwanza.
Tanzania itakuwa mwenyeji wa michuano ya mataifa ya Afrika kwa vijana chini ya miaka 17 hapo mwakani, ambapo kikosi hicho cha Serengeti Boys ndicho kitakacholiwakilisha taifa.
