Jumatano , 24th Aug , 2022
Na Mwandishi wetu 

Cellie Mwambe (14), ambaye ni mtoto wa Mbunge wa jimbo la Ndanda Cecil Mwambe, amefariki dunia jana Agosti 23, 2022, baada ya kujirusha kwenye swimming pool ya nyumbani kwao maeneo ya Ada Estate Kinondoni Dar es Salaam, wakati akicheza na wenzake na kujigonga chini.

Submitted by Agnes Kibona on Jumatano , 24th Aug , 2022

Kulia ni mtoto Cellie Mwambe, na kushoto ni Cecil Mwambe

Akizungumza hii leo Agosti 24, 2022, na East Africa TV & EA Radio digital, mbunge huyo amesema kwamba, mtoto huyo baada ya kujirusha alienda upande wenye kina kidogo na kujigonga chini na kwamba alichelewa kutolewa majini ili kupelekwa hospitali.

"Hakukuwa na watu wazima karibu hivyo akanywa maji mpaka walipokuja kumuokoa ikawa 'late' walivyomfikisha hospitalini ikashindikana kumuokoa, alifia hospitali baada ya kuwa amekunywa maji mengi nadhani hata pale alipojiganga alipata jeraha kubwa," amesema Mbunge Mwambe.

Mwili wa marehemu unatarajiwa kuzikwa Ijumaa ya Agosti 26, 2022, jimboni Ndanda.