Ijumaa , 26th Aug , 2022
Na Mwandishi wetu 

Kocha Mkuu wa Simba Queens, Sebastian Nkoma amesema kikosi chake kiko tayari kwa ajili ya mchezo wa Fainali ya Michuano ya CECAFA dhidi ya SHE Corporates ya Uganda utakaopigwa Uwanja wa Azam Complex saa moja usiku.

Submitted by George David on Ijumaa , 26th Aug , 2022

Kocha Mkuu wa Simba Queens, Sebastian Nkoma

Nkoma amesema lengo la kwanza ni kuhakikisha tunashinda na kuchukua ubingwa kuwapa furaha mashabiki wetu na kuweka historia ya kuwa timu ya kwanza Tanzania kushiriki Ligi ya Mabingwa Afrika.

“Kikosi kipo tayari morali kwa wachezaji ipo juu, tunajua mchezo utakuwa mgumu lakini tumejipanga kuhakikisha tunashinda ili kuchukua ubingwa,” amesema Nkoma.

Kwa upande wake mshambuliaji Aisha Juma amesema wao kama wachezaji wapo kamili ingawa wanafahamu mchezo utakuwa mgumu lakini lengo ni moja kuchukua ubingwa.

“Sisi tupo tayari tunajua mchezo utakuwa mgumu lakini tumejiandaa kushinda kikubwa tunahitaji mashabiki waje kwa wingi uwanjani kutupa sapoti,” amesema Joelle.