Katika hotuba yake mjini Tehran katika siku ya kuadhimisha miaka 40 tangu kuuawa askari kadhaa wa Iran katika vita vya siku 12 na Israel, Bwana Mousavi alisema: "Iwapo maadui watakusudia kuivamia na kuishambulia tena nchi hii adhimu, basi jibu letu mara hii litakuwa kali na tofauti zaidi kuliko hapo awali."
Saa chache kabla ya matamshi hayo, Rais wa Marekani Donald Trump alikuwa amesema kuwa Marekani itachukua hatua za kijeshi tena ikiwa Iran itarejesha mpango wake wa kurutubisha nyuklia na uranium, ambayo ilikuwa imeshambulia kwa mabomu.
Mkuu wa Majeshi ya Iran aliwaambia viongozi wa Marekani kwamba Waziri Mkuu wa Israel Benjamin Netanyahu ni "mchochezi na anafanya unyama ili kujiokoa.
Nawauliza watu wenye hekima wa Marekani na baadhi ya nchi za Magharibi, je, mnataka kuitoa muhanga nchi yenu na mustakabali wenu kwa ajili ya Netanyahu?"
Bwana Mousavi alisema kuwa Iran "haitairuhusu Israel kufikia malengo yake ya kupanua kijiografia maeneo inayokaliwa kwa mabavu na kuleta ukosefu wa utulivu na usalama."
