Aishi Manula arejeshwa Stars
Aishi Manula mara ya mwisho kuitumikia timu ya taifa ya Tanzania ilikua mwezi Machi 2024.Kumekua na mjadala mkubwa kwa Wapenzi na Wadau wa soka nchini Tanzania kuhusiana na nafasi ya Golikipa huyo wa timu ya Simba kwenye kikosi cha Stars. Manula hana Wakati mzuri kwenye klabu yake ya Simba ameondolewa kwenye nafasi yake ya kuwa golikipa namba moja baada ya kuumia kwa muda mrefu na aliporejea uwanjani kwenye mchezo wa Dabi ya Kariakoo alifanya makosa yaliyochangia kupoteza mchezo kwa goli 5-1.
Aishi Manula amejumuishwa kwenye kikosi cha timu ya taifa kitakachocheza mchezo wa kufuzu michuano ya CHAN dhidi ya timu ya taifa ya Sudan ugenini Oktoba 27, 2024 na mchezo wa marudiano utachezwa Jijini Dar es salaam Benjamini Mkapa Novemba 3, 2024.
