Jumatano , 2nd Mar , 2022
Na Mwandishi wetu 

Wakili wa mjibu maombi Paul Makonda, ameieleza Mahakama ya wilaya ya Kinondoni kuwa mteja wake bado hajapokea hati yoyote ya wito wa Mahakama dhidi yake, zaidi ya kuzipata taarifa hizo kupitia vyombo vya habari.

Submitted by Agnes Kibona on Jumatano , 2nd Mar , 2022

Paul Makonda

Wakili huyo aliyejitambulisha kama Goodchance Regnald ameyasema hayo leo mbele ya Hakimu Aron Ryamuya katika kesi ya maombi ya kufunguliwa kwa kesi ya jinai dhidi ya Paul Makonda, DPP na DCI katika mahakama hiyo.

Wakili Goodchance ameongeza kwa kusema kuwa Makonda hakupata hati rasmi ya wito zaidi ya kusikia kwenye vyombo vya habari, na hivyo akaamua kumtuma wakili wake kuja mahakamani.

Baada ya Wakili Goodchance kueleza hayo akaiomba Mahakama kumpa hati hiyo ya wito ambayo mteja wake ataijibu, jambo ambali Hakimu Ryamuya aliamuru kufanyika leo.