Rais wa Ujerumani Joachimu Gauck alipokuwa akiwasili nchini na mkewe
Akizungumza kwenye hafla ya kumuaga katika uwanja wa ndege wa Kilimanjaro Waziri wa maji Prof Jumanne Maghembe aliyemwakilisha Rais Jakaya Kikwete amesema muda wote wa ziara Rais huyo ameelezea kufurahishwa kwake na ukarimu wa watanzania na vivutio walivyonavyo wakiwemo wanyamapori.
Katika hatua nyingine mke wa Rais huyo Daniela Schadt aliyetembelea na Kuzindua mradi wa kusaidia vijana unaosimamiwa na taasisi ya kijerumani ya (DSW) ulioko Tengeru, ameshauri taasisi zinazosaidia jamii kuongeza jitihada za kuwasaidia vijana na kuwajengea misingi itakayowawezesha kusaidia makundi mengine yenye mahitaji maalumu wakiwemo walemavu yatima wajane na wazee.
Mkurugenzi wa kituo hicho cha (DSW) ambacho husaidia matatizo mbalimbali ya vijana yakiwemo ya afya Peter Owaga amesema pamoja na Tanzania kuwa na sera nzuri bado hazijaweza kuwasaidia vijana tatizo linaloelezewa na waataalam wa afya kama kikwazo kikubwa cha jitihada za kulikwamua kundi hilo na umaskini.
