Jumanne , 29th Oct , 2019
Na Mwandishi wetu 

Hali ya taharuki imewakumba wananchi wa Mtaa wa Kwamwizya katika Mamlaka ya Mji Mdogo wa Vwawa Wilaya ya Mbozi mkoani Songwe, baada ya mtoto Nickson Mwaluanda wa miaka minne kukutwa amekufa akiwa ametupwa na watu wasiojulikana, kwenye mtaro wa nje ya nyumba ambayo walikuwa wakiishi.

Submitted by Sangu Malawa on Jumanne , 29th Oct , 2019

Picha sio halisi

Rehema Mwaluanda ni Bibi aliyekuwa akiishi na mtoto huyo, amesema mtoto huyo alikuwa amelala na wenzake wawili lakini watoto hao wamekuja kushtuka asubuhi mwenzao hayupo, huku milango ikiwa imefunguliwa.

Bibi huyo amedai hajui aliyemtoa mtoto nje na kumuua, kwani haikuwa rahisi kwa mtoto huyo kufungua milango yote, kwani nyumba yake ina milango miwili ya kutokea nje, mmoja wa chuma na mwingine wa mbao.

Kamanda wa Polisi Mkoa wa Sonngwe George Kyando, amethibitisha na kusema wanaendelea na uchunguzi ili kubaini chanzo cha kifo kama ni visa, kisasi au imani za kishirikina.