Dance 100% 2015
Ushindani mkali ambao haukuwahi kushuhudiwa juu ya jukwaa la kisasa kabisa umekuwa dhidi ya makundi yote ya Quality Boys, The WD, Cute Babies, The Best, Team Makorokocho, Team ya Shamba, Wazawa Crew, Best Boys Kaka Zao, Majokeri na The Winners Crew, wote hawa wakiwania nafasi 5 za kutinga fainali za michuano hiyo.
Mpambano huo ambao leo umefanyika kwa mizunguko miwili, unaendelea kuendeshwa kwa umakini mkubwa kabisa na kuamuliwa na majaji Super Nyamwela, Queen Darleen pamoja na Shetta wakiongezeka wawili wapya na kufanya jumla ya majaji katika hatua hii kufikia watano.
Baada ya mzunguko huo, sasa macho ni kwenye hatua ya fainali ambapo kitita cha fedha taslim shilingi milioni 5 za Tanzania ndio zawadi kubwa inayowaniwa, swali kubwa likibaki kuwa ni nani atakayeibuka mshindi wa kitita hicho.
Ni Burudani mwanzo mwisho, Dance 100% 2015.
