Picha ya Nini akiwa na Nay Wa Mitego
Msanii huyo amesema hayo kupitia show ya Friday Night Live "FNL" ya East Africa TV ambayo inaruka kila siku ya Ijumaa kuanzia 9:00 hadi 5:00 usiku.
"Tulipokuwa tuna mahusiano kila mtu alijua na tulivyoachana tulisema, sasa hivi hatupo pamoja kwa muda mrefu sasa, nilimpost picha akinikumbatia kwa nyuma na nilichoandika kuhusu ile post haijamaanisha kama ni mpenzi wangu na hatujarudiana, ila kama kuna ulazima wa watu kujua kama tupo kwenye mahusiano watajua tu" ameeleza Nini
Pia Nini ameendelea kusema kwa sasa hivi yupo single na hataki kuwa kwenye mahusiano kwa sasa ila mwanaume anayemuhitaji anatakiwa awe mtanashati, mchapakazi na awe na hofu ya Mungu.
"Unajua kwenye mahusiano kuna mambo mengi unaweza ukampata mtu ambaye ni wa saizi yako lakini kuna vitu vingine mkashindwana, tulichoshindwana mimi na Nay Wa Mitego ni vitu ambavyo vimeshapita"
