Jumatano , 2nd Jan , 2019
Na Elbogast Myaluko 

Kiungo wa zamani wa klabu ya Chelsea na timu ya taifa ya Ufaransa, Claude Makelele amesema mtindo wa ushangiliaji mabao wa kiungo wa Manchester United Paul Pogba ni kutoheshimu wapinzani wake.

Submitted by Elbogast on Jumatano , 2nd Jan , 2019

Wachezaji wakongwe mbalimbali (kwenye duala jeusi ni Claude Makélélé.

Makelele ameeleza kuwa Pogba hastahili kufanya hivyo mbele ya wapinzani wake kwani sio jambo la busara kimichezo.

"Kumfunga mpinzani wako goli 4 kisha unacheza mbele yake baada ya mchezo sio jambo la hekima kwa mpinzani hata kidogo. Huko ni kudharau wapinzani wake aliowafunga", ameeleza Makelele.

Makelele amesisitiza kuwa kila mchezaji huwa anafurahi anapopata ushindi au kufunga bao lakini mambo kama hayo ayafanye kwenye vyumba vya kubadilishia nguo.

Tangu kuondoka kwa Jose Mourinho na kuteuliwa kwa Ole Gunnar Solskjær Pogba amekuwa kwenye wakati mzuri akifunga mabao 4 na kusaidia matatu kwenye mechi 3 walizocheza mpaka sasa.