Monday , 16th Dec , 2019
Na Mwandishi wetu 

Watu 230,000 wanatibiwa Magonjwa ya Akili kwa mwaka, katika Hospitali ya Afya ya akili ya Milembe ya jijini Dodoma, ambapo katika idadi hiyo kundi la wanaume ndiyo linaongoza kupatiwa matibabu ya ugonjwa huo.

Submitted by Sangu Malawa on Monday , 16th Dec , 2019

Ugonjwa wa Akili

Takwimu hizo zimetolewa leo jijini Dodoma na Mkurugenzi Mtendaji wa Hospitali hiyo Dkt Erasmus Mndeme, katika muendelezo wa ukaguzi wa huduma za afya zinazotolewa katika Mkoa wa Dodoma.

Dkt, Mndeme amesema kuwa tatizo hilo limeongezeka, kutokana na matumizi ya dawa za kulevya wakati asilimia 75 ya wagonjwa wa akili ni wanaume, huku wanawake wakiwa ni asilimia 25 na asilimia 99 ya wagonjwa wa akili hutibiwa na kuondoka.

Aidha Dkt. Mndeme amesema mpaka sasa Hospitali hiyo ina jumla ya wagonjwa 450, ambao wamelazwa kutokana na hatua ya ugonjwa ulipofikia kuhitaji uangalizi maalum.