Jumamosi , 22nd Oct , 2022
Na Mwandishi wetu 

Rais wa Jamhuri ya Muungano wa Tanzania, Samia Suluhu Hassan amefanya uteuzi wa Wenyeviti wa Bodi mbalimbali ikiwa pamoja na Mwenyekiti wa Bodi ya Wakala wa Mabasi Yaendayo Haraka (DART) Dkt. Florens Martin Turuka ambaye ni Katibu Mkuu Mstaafu.

Submitted by Elbogast on Jumamosi , 22nd Oct , 2022

Rais wa Tanzania Samia Suluhu Hassan

Aidha  Rais Samia amewateua Maofisa watano (05) kuwa Wajumbe wa Bodi ya DART.

Pia amemteua Bi. Beng’i Mazana Issa kuwa Mwenyekiti wa Bodi ya mikopo ya serikali za mitaa, na Bi. Beng’i ni Katibu Mtendaji, baraza la Taifa la uwezeshaji wananchi kiuchumi (NEEC).

Katika hatua nyingine Rais Samia amemteua Prof. Tumaini Joseph Nagu kuwa Mganga Mkuu wa Serikali na kabla ya uteuzi huu Prof. Nagu alikuwa Kaimu Mkuu wa Idara ya Tiba, Chuo Kikuu cha Afya na Sayansi Shirikishi Muhimbili (MUHAS). 

Prof. Nagu anachukua nafasi ya Dkt. Aifello Sichalwe ambaye atapangiwa kazi nyingine na uteuzi wa Prof. Nagu umeanza Oktoba 19, 2022.