Jumatano , 7th Dec , 2022
Na Mwandishi wetu 

Mahakama ya hakimu Mkazi mkoa wa Mwanza imelazimika kuahirisha kesi namba 10 ya shambulio la kudhuru mwili na kuzuia maofisa wa serikali kutekeleza wajibu wao inayomkabili Diana Bundala maarufu kama mfalme Zumaridi na wenzake 8 baada ya Shahidi wa utetezi kuugua ghafla Mahakamani hapo

Submitted by exaud on Jumatano , 7th Dec , 2022

Akitoa ombi la kuahirishwa kwa kesi hiyo wakili Erick Mutta anayewakilisha jopo la mawakili wanaomtetea Mfalme

Zumaridi na wafuasi wake hao amesema shahidi huyo kwa jina Anitha Wambola amebanwa ghafla na kifua hivyo kukosa uwezo wa kutoa ushahidi wake hali iliyopelekea kuomba kesi hiyo ipangiwe tarehe nyingine ili shahidi huyo apate muda wa kupata matibabu

Hakimu Monica Ndyekobora ameahirisha kesi hiyo hadi kesho Desemba  08/2022 

Aidha shauri namba 11 la usafirishaji haramu wa binadamu linalomkabili mfalme Zumaridi peke yake  limehairishwa hadi kesho kutokana na ushahidi wake  kutokamilika