Israel imefanya jaribio la kuwaua viongozi wa kisiasa wa Hamas kwa shambulizi la anga nchini Qatar siku ya jana Jumanne, Septemba 9 na kuzidisha hatua yake ya kijeshi katika Mashariki ya Kati na kile ambacho Marekani imeeleza kuwa ni shambulio la upande mmoja ambalo haliendelezi maslahi ya Marekani na Israel.
Hamas imesema wanachama wake watano wameuawa katika shambulio hilo, akiwemo mtoto wa mkuu wa Hamas aliye uhamishoni huko Gaza na mpatanishi mkuu Khalil al-Hayya. Ilisema Israel imeshindwa katika kile Hamas ilichokiita jaribio la kuua timu ya kundi hilo ya mazungumzo ya kusitisha mapigano.
Rais wa Marekani Donald Trump amesema hakufurahishwa na shambulio hilo la Israel na atatoa taarifa kamili kuhusu suala hilo siku ya leo Jumatano. "Sijafurahishwa na hilo," Trump amesema alipokuwa akiwasili kwenye mgahawa mjini Washington. " Tunataka mateka warudi, lakini hatujafurahishwa na jinsi ilivyoshuka leo."
Wakati Israel ikitetea mashambulizi hayo kuwa yanahalalishwa, Qatar imesema mashambulizi hayo ya Israel yalikuwa ya hiana na Israel inajihusisha na "ugaidi wa kiserikali." Waziri Mkuu wa Qatar Sheikh Mohammed bin Abdulrahman al-Thani amesema mashambulizi hayo ya anga yametishia kuvuruga mazungumzo ya amani Qatar imekuwa ikipatanisha kati ya Hamas na Israel.
Trump amesema anaona kuwa kupiga Hamas ni lengo linalostahili, lakini amejisikia vibaya kwa shambulio hilo kufanyika katika nchi ya Ghuba ya Kiarabu, ambayo ni mshirika mkubwa wa Washington ambaye sio NATO na ambapo kundi la Kiislamu la Palestina limekuwa na msingi wake wa kisiasa.
Shambulio hilo lililaaniwa na Saudi Arabia, Misri, Umoja wa Falme za Kiarabu na Umoja wa Ulaya, na linahatarisha kuvuruga mazungumzo ya kusitisha mapigano Gaza na msukumo wa Trump wa kufikia mwisho wa mazungumzo ya karibu miaka miwili ya mgogoro.
Qatar ni mshirika wa usalama wa Marekani na mwenyeji wa Kambi ya Anga ya al-Udeid, kituo kikubwa zaidi cha kijeshi cha Marekani katika Mashariki ya Kati. Imefanya kama mpatanishi pamoja na Misri katika mazungumzo kati ya Israel na Hamas kwa ajili ya kusitisha mapigano huko Gaza, ambayo yanaonekana kuyumba.
