Jumatatu , 17th Aug , 2020
Na Mwandishi wetu 

Waziri Mkuu wa Jamhuri ya Muungano wa Tanzania Kassim Majaliwa, hii leo Agosti 17, 2020, ameshiriki katika Mkutano wa Viongozi wa Dini kuelekea Uchaguzi Mkuu na kutumia fursa hiyo kuwaasa viongozi kutotumia maneno ya kubeza wanaposimama mbele za wananchi.

Submitted by Elbogast on Jumatatu , 17th Aug , 2020

Waziri Mkuu Kassim Majaliwa.

Amesema Watanzania wa leo wanataka kusikia maendeleo na sio kuburuzwa kama zamani, na kudai kuwa kwa sasa kutengeneza matukio ni kuharibu maisha ya watu.

''Unatengeneza tukio hapa la ajabu halafu useme fulani ndiyo kafanya, kumbe siyo aliyefanya haina maana, unapoteza miundombinu,unaharibu maisha ya watu, unaleta tafrani kwenye jamii'', amesema Majaliwa.

"Watanzania sasa hivi sio watu wa kuambiwa tu na kuburuzwa nenda mkaandamane yeye mwenyewe amekaa tu, tunamuona kwenye televisheni haendi kuandamana ,twende na utangulie, kiongozi ndiyo anatangulia hawa sio Watanzania wa juzi, leo Watanzania wanatakiwa kusikia maendeleo'', ameongeza.

Aidha amewataka Watanzania kujitokeza kwenda kutumia haki yao ya Kidemokrasia kwa kumchagua kiongozi wanaemtaka atakaye waletea maendeleo.