Kundi la Makorokocho lilipokuwa kazini shindano la Dance100% hatua ya nusu fainali.
Shindano la Dance100% hatua ya nusu fainali limefanyika katika viwanja vya Don Bosco Oysterbay Jijini Dar es salaam na kuhudhuriwa na mamia ya mashabiki.
Akizungumza na EATV baada shindano hilo Jaji Super Nyamwela, amesema makundi yote yameonesha uwezo wa hali ya juu ila majaji wamezingatia vigezo na masharti ambavyo vimeweza kusaidia kupatikana makundi hayo matano.
“Makundi mengi yamefanya vizuri ila lazima alikuwa apatikane mshindi, hivyo tumeangalia mambo ya msingi kama tulivyowaelekeza na aliyeshindwa kukidhi vigezo tumeweza kutoa alama kulingana na namna walivyokuwa wanacheza ndipo mwisho wa siku tukapata haya matano bora kwa leo” Amesema Super Nyamwela.
Makundi yaliyofanikiwa kutinga hatua ya fainali ya Dance100% 2016 ni haya yafuatayo.
BBK Boys
Team Makorokocho
Wazawa Crew
Clever Boys
D.D.I Crew
Makundi ambayo yameaga mashindano ya Dance100% mwaka huu wa 2016 ni haya yafuatayo.
J. Combat Crew kutoka Zanzibar.
Mazabe Poweder
The Quest Crew
Tatanisha Crew
The Heroes Crew
Shindano la Dance100% linadhaminiwa na Vodacom na Coca Cola na linaoneshwa na EATV Pekee siku ya Jumapili saa moja jioni.
