Tangu mwaka 2018, wamiliki wa WhatsApp kampuni ya Facebook, walitangaza kuja na mabadiliko kadhaa mojawapo lilikuwa kuhusu matangazo.
Taarifa iliyopo kwa sasa ni Facebook wameanza kukifanyia majaribio rasmi kipengele hicho kipya katika nchi kadhaa ambazo zina watumiaji wengi wa WhatsApp kama India, Brazil, Marekani na nyinginezo.
Kinachofanyika, baadhi ya watumiaji hupewa uwezo wa kuona matangazo au kama unatumia App ya WhatsApp 'Beta' ambayo ni maalum kwaajili ya kuruhusu majaribio mapya kabla hayajawafikia wengi katika App rasmi.
Baada ya hapo watu hutoa maoni kwa mabadiliko ambayo wanayaona hivyo huwapa urahisi wamiliki kuweza kujua madhaifu na kipi waboreshe kabla hawajaifanya kuwa rasmi au waamue kuachana nayo.
Mpaka sasa WhatsApp ina watumiaji zaidi ya Milioni 340 duniani, tangu Facebook wainunue mwaka 2014 kwa Dola Bilioni 19 katika makubaliano ambayo yaliwekwa mwanzo, inaelezwa mpango wa kuja kuweka matangazo katika WhatsApp haukuwepo na pia waanzilishi wake walipinga hilo lakini kinachoendelea kwa sasa Facebook wameonesha kukiuka.
Mapema mwaka huu mmoja ya waanzilishi wa WhatsApp Jan Koum, alitangaza kuondoka Facebook akiituhumu kukiuka makubaliano na zaidi udhaifu ulionekana katika mfumo wa ulinzi na kulinda faragha za watumiaji kutokana na skendo iliyowakumba Facebook.
