Jumanne , 6th Sep , 2022
Na Mwandishi wetu 

Kocha mpya wa Azam FC mfaransa Denis Lavagne anatarajiwa kutua nchini (Tanzania) leo Septemba 6 2022 tayari kwa kuanza kazi ya kukinoa kikosi hicho cha matajiri wa Jiji la Dar es salaam.

Submitted by Ibra Kasuga on Jumanne , 6th Sep , 2022

Kocha mpya wa Azam FC Denis Lavagne

Kocha huyo raia wa Ufaransa mwenye umri wa miaka 58 alitangazwa rasmi kuwa kocha mkuu wa Azam FC usiku wa kuamkia leo na anakuja kuchukua mikoba ya kocha Abdihamid Moallin aliyefutwa kazi katika nafasi hiyo Agosti 29, 2022.

Lavagne ana uzoefu na soka la Afrika, amewahi kuwa kocha wa timu ya taifa ya Cameroon kati ya mwaka 2011 hadi 2012 lakini pia amefundisha vilabu kadhaa vikubwa Afrika ambavyo ni Etoile Du Sahel, Smouha, Coton Sports, Al Hilal, USM Alger na JS Kabylie.

Mafanikio yake makubwa katika soka la Afrika ni pale alipokiongoza kikosi cha JS Kabylie ya Algeria kucheza fainali ya kombe la shirikisho Afrika dhidi ya Raja Casablanca ingawa alipoteza mchezo huo kwa mabao 2-1.