Jumanne , 24th Mei , 2022
Na Mwandishi wetu 

Nyota Kylian Mbappe amekiri kufanya mazungumzo na klabu ya Liverpool kabla hajasaini mkataba wa kujiunga na wababe wa Paris klabu ya PSG mnamo msimu wa 2017/18 akitokea kwa klabu ya As Monaco kwa mkopo .

Submitted by Said Msumi on Jumanne , 24th Mei , 2022

Mshambuliaji wa PSG Kylian Mbappe

Mbappe mwenye umri wa miaka 23 aliyeongeza kandarasi mpya ndani ya klabu ya PSG mpaka 2025 amesema alikutana na maofisa wa klabu ya Liverpool miaka 5 iliyopita akiwa bado anacheza katika klabu ya Monaco mnamo mwaka 2017.

"tulifanya mazungumzo japo hayakuwa marefu, Liverpool ni klabu kubwa na yenye historia ndani yake lakini pia  mama yangu anaipenda klabu hiyo na sijui kwanini anaipenda klabu hiyo kwa maana mnapaswa kumuuliza yeye mwenyewe lakini mwishoni ilikuwa nichague kucheza kati ya Real Madrid au Paris Saint Germain ”amesema Mbappe

Vilabu vya Real Madrid na Liverpool watacheza mchezo wa fainali wa kombe la ligi ya mabingwa barani Ulaya(Uefa Champions League) kwa msimu wa 2021/22 mnamo Mei 28,2022 kwenye jiji la Paris,Ufaransa