Kocha Riedoh Berdien
Berdien anakuja kuwa kocha wa viungo wa klabu hiyo huku pia akiwa ni kocha msaidizi wa pili wa klabu chini ya kocha mkuu aliyetangazwa mapema wiki hii, Luc Eymael.
#MICHEZO Klabu ya @yangasc1935 imemtangaza Riedoh Berdien kuwa kocha wa viungo pamoja na kuwa kocha msaidizi wa pili wa klabu. pic.twitter.com/SkUcCuNsiT
— East Africa TV (@eastafricatv) January 12, 2020
Kocha huyo amewahi kufanya kazi na timu ya soka ya taifa ya Gambia, Botswana, Bangladesh, Trinidad na Tobago, timu ya wanawake ya taifa ya Afrika Kusini pamoja na klabu ya Chippa United ya nchini Afrika Kusini.
Pia Berdien ana uhusiano mzuri na kocha Luc Eymael kutokana na kuwahi kufanya kazi pamoja katika klabu ya Free State Stars ya nchini Afrika Kusini na inaaminika kuwa kocha Eymael ndiye aliyependekeza kusajiliwa kwa kocha huyo.
