Thursday , 30th Mar , 2017
 

Wakati baadhi ya wasanii wakidai kuwa kazi ya muziki hailipi katika kipindi hiki, msanii Maua Sama mwenye 'hit song' ya 'Main Chick' amedai hakuna kitu kinachomuingizia mkwanja mwingi kwa sasa kama muziki mpaka kufikia hatua ya kuagiza gari mpya.

Submitted by amosi on Thursday , 30th Mar , 2017

Maua

Mrembo huyo amesema kazi yake ya muziki imekuwa ikimfanya aweze kujitegemea katika mambo mengi anayotaka kuyafanya akiachana na elimu aliyoipata akiwa darasani.’

“Muziki ni mzuri na ninaupenda sana  ndiyo maana unaona kila nikiimba ninaimba kwa hisia sana. Hii ni kutokana na mimi mwenyewe kuipenda kazi yangu vilevile, muziki unalipa tena sana, mimi umeweza kuniletea mafanikio mengi moja wapo likiwa ni kuagiza gari aina ya 'IST New Model' ambalo nategemea hivi karibuni litaingia nchini kutoka nilipoagiza". Alisema Maua

Aidha Maua amesema ucheshi wake, upole na heshima umemfanya ajione tofauti na wasanii wengine wanaoimba ambao baadhi yao huwa hawaheshimu kazi yao wanayoifanya.

Kwa upande mwingine msanii huyo ameingia katika orodha ya wasanii wanaotarajia kuachia albam yake licha ya wasanii wengi kuhofia kuwekeza kwenye albam.