Ijumaa , 3rd Sep , 2021
Na Mwandishi wetu 

Mkuu wa mkoa wa Simiyu David Kafulila, amesema licha ya kuwapo kwa baadhi ya changamoto ya utoaji wa huduma za umeme, lakini Tanzania ni nchi pekee katika mataifa ya pembe ya Afrika Mashariki yenye gharama ndogo zaidi ya tozo za umeme, ikilinganishwa na nchi nyingine za ukanda za huo.

Submitted by Agnes Kibona on Ijumaa , 3rd Sep , 2021

Mkuu wa mkoa wa Simiyu David Kafulila

Hayo ameyasema katika mkutano wake wa hadhara wa kusikiliza na kutatua kero zinazowazonga wananchi, uliofanyika Stendi ya zamani ya mabasi mjini Bariadi mkoani humo, ambapo amesema Tanzania pia inaongoza kwenye ukanda wa nchi za Afrika Mashariki kwa kufikisha umeme katika maeneo ya pembezoni.

Aidha, RC Kafulila akatumia nafasi hiyo kutoa siku 60 kwa taasisi za umma mkoani humo kuondoka kwenye majengo ya kupanga na kuelekea Nyaumata, ili kuiondolea serikali mzigo wa kodi.