Tuesday , 3rd May , 2016
 

Mlemavu wa viungo ambaye anaishi kwa kutegemea shuguli za kuomba katika maeneo ya katikati ya jiji la Dar es salaam ameiomba serikali kumsaidia mahala pa kuishi kwani amekuwa akilala katika nyumba ya wageni kwa muda mrefu sasa baada ya kutengwa

Submitted by Loyce on Tuesday , 3rd May , 2016

Akiongea na East Africa Television hii leo jijini Dar es salaam Amani Ongera amesema, shughuli za kuomba hazijawahi kutatua mahitaji yake na kwamba anazungukwa na mazingira magumu ambapo ameitaka serikali kuhakikisha kuwa walemavu wanatengewa makazi maalumu yanayokidhi mahitaji yao pamoja na kutatua kero na changamoto zinazowazunguka

Aidha Kasimu Abdalah ambaye naye ni mlemavu wa macho anayeishi kwa kutegema kuomba ameitaka serikali kutoweka vigezo wakati wa kutoa msaada wa pikipiki yenye magurudumu matatu kwani kwa kufanya hivyo kunazidi kuwaondolea uwezo wa kujitegemea na kuondokana na matatizo yanayowakabili.