Tuesday , 6th Sep , 2022
Na Mwandishi wetu 

Serikali imeandaa mapendekezo ya kutungwa kwa sheria mpya ya usimamizi wa maafa ili kuweka mfumo wa udhibiti na uratibu wa maafa kwa ajili ya hatua za kuzuia na kupunguza madhara ya majanga, kujiandaa kukabili na kurejesha hali pindi maafa yanapotokea.

Submitted by Agnes Kibona on Tuesday , 6th Sep , 2022

Waziri wa Nchi Ofisi ya Waziri Mkuu,Sera, Bunge na Uratibu, George Simbachawene

Akizungumza katika kikao cha Kamati ya Kudumu ya Bunge ya Katiba na Sheria iliyokutana katika ukumbi wa Bunge jijini Dodoma kujadili muswada wa sheria ya usimamizi wa maafa, Waziri wa Nchi Ofisi ya Waziri Mkuu,Sera, Bunge na Uratibu, George Simbachawene, amesema kutungwa kwa sheria hiyo ni kuifuta sheria iliyopo sasa ya mwaka 2015 sura ya 242.

Mhe. Simbachawene ameeleza kwamba awali masuala ya maafa hayakuwa na mfumo wa kisheria wa uratibu hali ambayo imekuwa ikisababisha mgongano wa majukumu hivyo kutungwa kwa sheria hiyo kutaainisha madaraka, wajibu, maamuzi, utunzaji wa rasilimali na muono unaozingatia taarifa za hali ya hewa.