Alhamisi , 12th Mei , 2022
Na Mwandishi wetu 

Mbunge wa Tandahimba Katani Ahmed Katani, amehoji kama watu wa Lindi na Mtwara ni wa Msumbiji na si Tanzania kutokana na kwamba mara nyingi wamekuwa wakiwekwa kwenye mipango ya miradi yote ya maendeleo lakini haitekelezwi ikiwemo ile ya maji, barabara na umeme.

Submitted by Agnes Kibona on Alhamisi , 12th Mei , 2022

Mbunge wa Tandahimba Katani Ahmed Katani

Kauli hiyo ameitoa hii leo Mei 12, 2022, bungeni jijini Dodoma, wakati akitoa mchango wake kufuatia hoja ya hotuba ya bajeti ya Wizara ya Maji iliyosomwa leo na Waziri wa Wizara hiyo Jumaa Aweso.

"Tumekosea nini Taifa hili, kwenye barabara, maji tukija kwenye umeme shida, sisi watu wa Lindi na Mtwara tumekosea nini hili Taifa, au ile mipaka mnatufanya sisi watu wa Msumbiji sio wa Tanzania, leo mnapata fedha mradi wa maji wa Makonde mmeutoa," amesema Katani Ahmed Katani

Aidha mbunge huyo ameongeza kuwa "Tandahimba maji yananunuliwa mpaka Tsh 2000 kwenye bajeti hii watu ambao walishawahi kuwa na miradi ya bilioni 400 wanaongezewa fedha, Lindi na Mtwara hakuna kinachoonekana kwani sisi ni watu wa Msumbiji au Tanzania kama wengine wanaopata keki ya Taifa".