Jumamosi , 15th Oct , 2022
Na Mwandishi wetu 

Kituo cha afya Misasi kilichopo wilayani Misungwi mkoani Mwanza kinakabiliwa na changamoto ya ukosefu wa maji, uchakavu na upungufu wa majengo na vitanda pamoja na upungufu wa watumishi.  

Submitted by Agnes Kibona on Jumamosi , 15th Oct , 2022

Daktari Mfawidhi wa kituo hicho Dkt Paschal Kalinga amesema kituo hicho kinahudumia wagonjwa 120 hadi 145 kwa siku hivyo kuwepo kwa changamoto hizo kunapelekea kushindwa kutoa huduma ipasavyo na kuwaomba wadau kujitokeza kusaidia kutatua changamoto hizo.

Kufuatia uwepo wa changamoto hizo Jumuiya ya wazazi ya Chama Cha Mapinduzi CCM wilaya ya Misungwi imesema serikali inaendelea kutatua changamoto hizo ambapo Jumatatu vitanda vya wagonjwa vitapelekwa katika kituo hicho.