Jumatano , 31st Aug , 2022
Na Mwandishi wetu 

Uongozi wa Singida Big Stars umeweka wazi kuwa umepewa mualiko na Klabu ya Rayon Sports ya Rwanda kwa ajili ya mchezo wa kirafiki ikiwa ni maandalizi ya mechi zao za ligi kwa msimu wa 2022/23.

Submitted by George David on Jumatano , 31st Aug , 2022

Wachezai wa kikosi cha Singida Big Stars

Septemba 2,2022 kikosi cha Singida United kinatarajiwa kuelekea nchini Rwanda ambapo wamealikwa kwa mchezo wa kirafiki dhidi ya Rayon Sports.

Ofisa Habari wa Singida Big Stars Hussein Massanza amesema kuwa wachezaji wote wataondoka kuelekea nchini Rwanda.

“Tutaondoka na wachezaji wote ambao tumewasajili kwa ajili ya mchezo wetu wa kirafiki dhidi ya Rayon Sports utakaochezwa Uwanja wa Nyamirambo.

“Msafara huo utajumuisha benchi la ufundi pamoja na baadhi ya viongozi na mchezo wetu unatarajiwa kuchezwa Septemba 4 huku gharama zote zitagharamiwa na wenyeji wetu,” amesema Massanza.

Miongoni mwa nyota wa kikosi hicho watakaoibukia Rwanda ni pamoja na Pascal Wawa, Deus Kaseke, Metacha Mnata.