Mkurugenzi wa Tume ya Tehama Tanzania Samson Mwela (kushoto) na Mtangazaji Bobby Mongi (Kulia)
Mwela ameyasema hayo leo Septemba 6, 2021 kwenye kipindi cha Supa Breakfast cha East Africa Radio, ambacho huruka Jumatatu mpaka Ijumaa saa 12:00 - 4:00 asubuhi.
''Hizi tuzo ndio tunazianzisha mwaka huu, na zinafanyika wakati wa mkutano mkuu wa mwaka wa Tehama ambapo kwa mwaka huu unafanyika Arusha kuanzia Oktoba 20 hadi 22 na tuzo zitatolewa hiyo Oktoba 20 kwa maana ya siku ya ufunguzi,'' alisema Samson Mwela.
Akifafanya vipengele mbalimbali vya tuzo hizo amesema, ''Tatakuwa na tuzo inaangalia masuala ya ubunifu na tafiti ambapo hapa kuna tuzo kama 6, mbunifu wa kike mwanafunzi, mbunifu wa kiume mwanafunzi, kuna mtafiti wa kike wa kiume wa Tehama na mtafiti wa kike wa Tehema''.
Mkurugenzi wa Tume ya Tehama Tanzania Samson Mwela (katikati waliosimama) akitazama baadhi ya shughuli zinazofanywa na Mhariri Video.
Aidha, ameeleza kuwa tuzo hizo zitagusa maeneo mbalimbali ikiwemo Vyombo vya Habari, Wanahabari, Wasanii, Taasisi za Kifedha, Taasisi za Serikali kwa maana ya Wizara, Wabunifu pamoja na Makampuni ya simu.
''Kuna eneo la huduma za habari tutaangalia chombo gani cha habari kinatumia vizuri zaidi tehama pia mwandishi gani wa habari anatumia vizuri sana tehama kwa mapana yake, hawa wote watapendekezwa na tutawatambua kama watu wanaosaidia ukuaji wa tehama,'' amesema Samson Mwela.
Amaeingeza kwa kusema kuwa ''Tuzo nyingine ni kwa hawa watoaji wa huduma za Tehama, makampuni ya simu, jamii yenyewe itaona imepata huduma nzuri kutoka kampuni gani itapendekeza ili sisi tutambue na kuweza kutoa tuzo. Pia kuna tuzo ya msanii anayetumia vizuri zaidi Tehama naye atapendekezwa”.
Kupendekeza mshiriki wa tuzo za #ICTAwards2021 bofya hapa >> https://ictawards.ictc.go.tz/
Tazama Video hapo chini
